ဟေဗြုန်မြေကို အပိုင်စားရတဲ့ ကာလက်ထံမှ ခွန်အားယူစရာ
ကျမ်းစာထဲတွင် ခါနန်ပြည်ကို သွားရောက်လေ့လာခဲ့သော သူလျှို (၁၂)ယောက်အကြောင်းကို တွေ့ခဲ့ရပြီး သူတို့ ပြန် လည်ပြော ကြားကြသော အကြောင်းအရာများကိုလည်း ကျွန်ုပ်တို့ သိရှိပြီးဖြစ်သည်။ ထိုသူတို့အထဲတွင် (၁၀) ယောက်က အနှုတ် လက္ခဏာ ဆောင်သော သတင်းများကို ပြန်လည်ပြောပြခဲ့ကြပြီး အခြားသော နှစ်ယောက်မှာမူ အပေါင်းလက္ခဏာ သတင်းစကားများကို ပြန်လည်ပြောပြကြသည်။ ထိုသူနှစ်ယောက်မှာ ယောရှုနှင့် ကာလက်တို့ နှစ်ယောက်ဖြစ်သည်။ ထိုသို့ လူ(၁၀)ယောက်မှ ဣသရေလလူမျိုးများကို ခွန်အား တိုက်တွန်းရမည့်အစား စိတ်ပျက်အားလျော့စေမည့် စကားများ ကိုသာ ပြောဆိုခဲ့ပြီး ကြားရသူများကလည်း ဘုရားသခင်၏ ကတိစကားထက် ထိုသူတို့၏ စကားများကိုသာ ယုံကြည်ခဲ့ကြ ခြင်းဖြင့် အသက်ရှင်သော ဘုရားသခင်ကို ကျောခိုင်းခဲ့ကြသည်။ ဘုရားသခင်က ခါနန်ပြည်ကို အမွေအဖြစ် ပေးမည်ဖြစ် ကြောင်း ကတိပေးထားခဲ့ပြီး သွား၍ သိမ်းပိုက်ရန်လည်း ပြောကြားထားခဲ့သည်။ ထိုသူတို့၏ မနာခံခြင်းနှင့် ဘုရားသခင်ကို အားကိုးခိုလှုံမှု မရှိခြင်းတို့ကြောင့် ရက် (၄၀) နှင့် ခါနန်ပြည်သို့ ရောက်နိုင်သည့် ခရီးကို နှစ်ပေါင်း (၄၀) သွားရခြင်းဖြင့် ဘုရားသခင်က ဒါဏ်ခတ်တော်မူခဲ့သည်။ ထို့ကြောင့် ထိုအချိန်က ရှိခဲ့သောသူအများ စုသည် ခ...