နောက်ကျသော အဖြေသည် ငြင်းပယ်ခြင်း မဟုတ်ပါ။

ဘုရားသခင်သည် ကျွန်တော်တို့၏ ဆုတောင်းခြင်းများကို အမြဲတမ်းအဖြေပေးနေပါသည်။ သို့သော် ကျွန်တော်တို့ မျှော်လင့်သလို၊ ကျွန်တော်တို့ လိုချင်သလိုတော့ အမြဲတမ်း မဖြစ်နိုင်ချေ။ ဘုရား သခင်သည် မြန်မြန်အဖြေပေးသည်ဆိုသည်မှာ တစ်ခါတစ်ရံမျှသာ ဖြစ်သည်။ ဘုရားသခင်၏ ဖန်ဆင်း ခြင်းပင်လျှင် အချိန်နှင့် အလုပ်လုပ်ဆောင်ခဲ့သည်။ အားလုံးကို တချိန်တည်းမှာ ပင်း အလုံးစုံတို့ကို ဖြစ်စေဟူ၍ မဖန်ဆင်းခဲ့ပါ။ သူခွဲခန့်သော အချိန်အတွင်မှာပင် ကလေးတစ်ဦးကို မွေးဖွားစေခြင်း၊ ပန်းကလေးတစ်ပွင့်၊ သစ်ပင်တစ်ပင်၊ နေ၀င်ချိန် တို့ကိုသာမက မြက်ပင်ကလေး တပင်ကိုပင်လျှင် အချိန်နှင့် လုပ်ဆောင်ခဲ့ပြီး ဖြစ်ထွန်းစေခဲ့ပါသည်။ ဘုရားသခင်ကို တွန်းအားပေး၍ မရပါ။ သတ်မှတ် ထားသော အချိန်ကို စောင့်ဆိုင်းဘို့ လိုအပ်ပါသည်။

ဘုရားသခင်သည် ကျွန်တော်တို့အတွက် ကောင်မွန်သင့်တော်သော အဖြေများပေးရန် အခြေအနေ တစ်ခု တည်ဆောက်ပြီး စောင့်ဆိုင်းနေခြင်းလည်း ဖြစ်နိုင်ပါသည်။ ဥပမာအားဖြင့် ကျမ်းစာထဲတွင် အမိဝမ်းတွင်းမှာကတည်းက မျက်စိကန်းနေသူတစ်ဦး ရှိပါသည်။ သူ၏ ဘ၀အသက်တာ တစ်လျှောက် လုံးတွင် မျက်ကန်းစိကန်းသူတစ်ဦးအဖြစ်သာ သိမှတ်ထားကြလေသည်။ တစ်နေ့သောအခါ သခင် ယေရှုက ထိုသူကို မျက်စိပြန်မြင်ရစေရန် ထူးခြားဆန်းကြယ်စွာ ပြုလုပ်ပေးလိုက်လေသည်။ ထိုအရာကို ဘုရားသခင်၏ အမှုတော် ထင်ရှားစေရန် ဖြစ်သည်ဟု ယော ၉း၃ကဆိုထားပါသည်။ ထိုအဖြစ်အပျက်တွင် ဘုရားသခင်က ဘုန်းတော်ထင်ရှားရန်အတွက် အချိန်အတန်ကြာယူခဲ့သည်ကို တွေ့မြင်ရပါသည်။ သူသည် မည်သည့်အချိန်ကတည်းက စတင်ဆုတောင်းခဲ့သည်ကို မသိသော်လည်း ငယ်စဉ်ကတည်းက ကန်းလာသူကို အသက်အရွယ်ရောက်ချိန်အခါမှ အဖြေပေးခဲ့သည်။ ထိုအဖြစ် အပျက်ကဲ့သို့ပင် သင်ဆုတောင်းသောအရာများကိုလည်း ဘုရားသခင်က ပေးသင့်သည်ဟု သတ်မှတ် သောအချိန်၊ မှန်သောအချိ်န်ရောက်သောအခါ အဖြေပေးတော်မူလိမ့်မည်။

ထို့ကြောင့် ဘုရားသခင်၏ အဖြေမရမှာကို စိုးရိမ်ကြောက်ရွံ့မှုများနှင့် သံသယများ မရှိကြပါနှင့်။ ဘုရားသခင်သည် သင့်တောင်းလျှောက်မှုကို အဖြေပေးတော်မူပါလိမ့်မည်။ ရုတ်တရက် ချက်ခြင်း ဖြစ်မလာသည့်တိုင် အဖြေကို ဘုရားသခင်ထံ အားကို မျှော်လင့်ခြင်းများဖြင့် စောင့်မျှော်နေပါ။ ဘုရားသခင်ကို အားကို မျှော်လင့်လျှက်ရှိသော သင်၏ မနက်ဖြန် နေ့ရက်များသည် ၀မ်းမြောက် ခြင်းများ ဖြစ်လာပါလိမ့်မည်။